- Адреса и телефоны
- 246023, г. Гомель, проспект Речицкий, 35а/14
- (8-0232) 25-15-50
- (8-0232) 25-15-50
- gomel@mchs.gov.by
Калінкавічы. Знаёмімся са службай у МНС
Вызначыцца з выбарам прафесіі неабходна яшчэ да атрымання жаданага атэстата і статусу «абітурыент». Сённяшнія вучні – заўтрашнія студэнты – актыўна шукаюць інфармацыю аб спецыяльнасцях у інтэрнэце, даведніках для тых, хто паступае, але галоўныя звесткі аб будучых прафесіях атрымліваюць падчас жывых зносін з непасрэднымі прадстаўнікамі пэўнай сферы.
Для таго, каб дапамагчы моладзі ў выбары прафесіі і прапанаваць цікавыя варыянты, работнікі Калінкавіцкага раённага аддзела па надзвычайных сітуацыях праводзяць сустрэчы з навучэнцамі старэйшых класаў, асноўнай мэтай якіх з'яўляецца папулярызацыя прафесіі выратавальніка і тлумачэнне асаблівасцяў паступлення ў навучальныя ўстановы МНС. У даступнай форме ратавальнікі расказваюць навучэнцам аб асаблівасцях уступнай кампаніі ў Універсітэт грамадзянскай абароны МНС Беларусі, аб умовах праходжання службы ў органах і падраздзяленнях па надзвычайных сітуацыях Рэспублікі Беларусь. Атрыманне якасных ведаў, практычнае навучанне прафесіі, самавыхаванне і дысцыпліна, гарантаванае працаўладкаванне, атрыманне спецыяльнага звання, забеспячэнне жыллём і шмат іншых пераваг – вось што адрознівае гэтую навучальную ўстанову ад іншых. Дзякуючы відэаролікам выпускнікі змаглі віртуальна пазнаёміцца з буднямі курсантаў, «убачыць» іх навучальныя, спартыўныя і творчыя заняткі. Хлопцы і дзяўчаты актыўна задавалі пытанні, ўдакладнялі дэталі. Найбольш актуальнымі сталі пытанні аб здачы фізічнай падрыхтоўкі і праходжанні ваенна-ўрачэбнай камісіі. У цэлым сустрэчы з навучэнцамі з'явіліся вельмі актуальнымі і неабходнымі, бо многія з іх яшчэ не вызначыліся з будучай прафесіяй і некаторым з іх, магчыма, работнікі МНС дапамаглі зрабіць свой выбар.