- Адреса и телефоны
- 246023, г. Гомель, проспект Речицкий, 35а/14
- (8-0232) 25-15-50
- (8-0232) 25-15-50
- gomel@mchs.gov.by
Лельчыцы. Праводзім канікулы цікава і бяспечна
Лета блізіцца да канца, аднак ратавальнікі ўсё яшчэ працягваюць працу з прышкольнымі лагерамі і дзіцячымі садамі ў рамках акцыі “Канікулы без дыму і агню”.
Ужо традыцыйным стала наведванне дзеткамі пажарна-аварыйнай выратавальнай часткі гарадскога пасёлка Лельчыцы. Дзеці з задавальненнем прыязджаюць у госці да ратавальнікаў, бо тут іх чакаюць станоўчыя эмоцыі, займальныя апавяданні пажарных, і прыгожыя пажарныя машыны. Калі яшчэ ім атрымаецца пасядзець у пажарнай машыне і адчуць сябе сапраўдным пажарным?
Ратавальнікі праводзяць пазнавальную экскурсію, распавядаюць аб пажарна-тэхнічным ўзбраенні, якім карыстаюцца пажарныя, пра баявую вопратку, даюць магчымасць кожнаму пасядзець у пажарнай машыне і зрабіць фота на памяць.
У актавай зале аддзела хлопцам і дзяўчынкам дэманструюць серыю мультфільмаў “Чароўная кніга”, пасля чаго яны разам з інспектарам МНС паўтараюць асноўныя правілы пажарнай бяспекі. А самыя актыўныя атрымліваюць памятныя буклеты, кніжкі і сувеніры.