- Адреса и телефоны
- 246023, г. Гомель, проспект Речицкий, 35а/14
- (8-0232) 25-15-50
- (8-0232) 25-15-50
- gomel@mchs.gov.by
Петрыкаў. Патруль не дрэмле
Спякота не адступае, а значыць, і аматараў акунуцца ў прахладную вадзіцу не памяншаецца. Самы час адправіцца на пляж і выдатна правесці час, але нельга забываць аб мерах бяспекі. А каб нагадаць і папярэдзіць адпачывальнікаў, аб магчымых небяспеках, удзельнікі з «Летняга патруля» адправіліся ў рэйд ўздоўж берага ракі Прыпяць у Петрыкаўскім раёне.
У гэты раз «Летні патруль» наведаў, як устаноўленыя месцы для купання, так і не прызначаныя для купання. З адпачывальнікамі правялі прафілактычныя гутаркі, настойліва заклікалі не купацца ў нецвярозым выглядзе, не ныраць у незнаёмых месцах і не заплываць далёка ад берага. Бацькам нагадалі, што дзяцей пакідаць без увагі нельга, асабліва ў час знаходжання ў вадзе. У ходзе рэйду па рацэ Прыпяць, былі дэмантаваныя самаробныя трампліны, абноўлены стэнды ў месцах адпачынку.